வாழ வேண்டியது தமிழா இல்லை தமிழரா?

கல் தோன்றி மண் தோன்றா காலத்தே வாளோடு முன் தோன்றி மூத்த குடி தமிழ்குடி!!
தமிழுக்கும் அமுதென்று பேர் அந்த தமிழின்பத் தமிழ் எங்கள் உயிருக்கு நேர் !!
உடல் மண்ணுக்கு உயிர் தமிழுக்கு !!!
யாமறிந்த மொழிகளிலேயே தமிழ் மொழி போல் இனிதாவதெங்ககும் காணோம்!!!!

இவை மட்டும் இன்றி இன்னும் இன்னும் பலச் சிறப்புகள் நம் தாய் மொழியாம் தமிழுக்கு உண்டு.. அதை அணுவளவும் மறுப்பதற்கில்லை..


ஆனால் தமிழால் மட்டும் எத்தனை தமிழனை வாழ வைக்க இயலும்? அன்றும் இன்றும் தமிழ் அரசியல்வாதிகளை மட்டுமே வாழ வைக்கிறதே தவிர தமிழனை அல்ல.. இன்றைய மிக முக்கிய விவாதமாக கருதப்படுவது தாய்மொழிக்கல்வி.. கடைப்பலகை முதல் கழிப்பிடம் வரை எங்கும் தமிழ் எதிலும் தமிழ்..அதிலும் சுத்த தமிழ் என்று வேறு பல கொடுமைகள்... இதனால் என்ன உபயோகம்? இந்த லட்சணத்தில் உயர் கல்வி வரை தமிழில் படிக்க வகை செய்ய போகிறதாம்(செய்து விட்டதா??) அரசு!!! அப்படி தமிழால் படித்தால் கண்டீப்பாக முன்னேறவே இயலாது என்பது சத்தியமான உண்மை...

தாய் மொழிக்கல்வி என்றவுடன் நான் அனைவரும் எடுத்துக்காட்டாக கூறுவது ஜப்பான், சீனா போன்ற நாடுகளை தான்.. ஆனால் அது தவிர ரஷ்யா, மற்றும் பல ஐரோப்பிய நாடுகளும் தங்கள் நாட்டில் தத்தம் தாய் மொழிகளிலேயே கல்வியை கற்க வழி செய்துள்ளன.. அவை இப்படி வளர்ந்த நாடாக காரணம் தாய் மொழிக்கல்வியே .. ஆனால் நமது பிரச்சினை வேறு.. பெயரில் நாடு என ஒன்று இருப்பதால் மட்டும் தமிழகம் தனி நாடாகி விடாது.. ஒரு பெரிய ஜன நாயக(?) நாட்டின் ஒரு மாநிலமே !!! ஆனால் இன்னமும் பிடிவாதமாக தமிழ் மொழியில் தான் கற்க வேண்டும் என கூறுவது ஏன் என தெரியவில்லை..

நம் தமிழகத்தை தவிர ஏனைய பிற மாநிலங்கள் அனைத்திலும் உள்ள மக்கள் தேசிய மொழியாம் ஹிந்தியையும், சர்வதேச மொழியான ஆங்கிலத்தையும் கற்பது நம் அனைவருக்கும் தெரியும்.. ஆனால் நமக்கு மட்டும் ஹிந்தி ஆதாம் ஆப்பிள் போல மறைத்து வைக்கப்பட்டுள்ளது!!! நம்மில் எத்துனை பேருக்கு ஹிந்தி தெரியும்? ஹிந்தி தெரியாமல் எத்துனை பேர் அடுத்த மாநிலங்களில் கஷ்டப்பட்டுள்ளீர்? நான் ஒரு சமயம் ஹைதியில் இருந்த போது நான் பட்ட கஷ்டம்!!!! நமக்கு ஹிந்தியில் தெரிந்தது சில, இல்லை இல்லை மிக சில வார்த்தைகளே.. ஏக், தோ முதல் பத்து வரை, ருக்கோ, ஜாவோ, கித்னா ரூப்யா என்பன அவற்றில் சில....

அங்கே காய் கறி வாங்க இல்லை வேறு ஏதாவது பொருட்கள் வாங்க செல்லும் போது பல வித அனுபவங்கள்!!!! நமக்கு அறைகுறையாக தெலுங்கும் தெரியும் ஆனால் உபயோகப்படுத்த பயம்.. ஏனென்றால் ஸ்தாவாக்கு பதிலாக ஒஸ்தாவா என்றால் அவ்வளவு தான் முடிந்தது கதை.. ஆக தெலுங்கும் பயன் படுத்த பயம், தமிழ் பேசினால் அது வேற்று கிரக வாசியை போல.. ஆங்கிலத்தில் பேசினால் அடுத்த மாநிலத்தை(நம்ம ஊருதான்) சேர்ந்தவன் என நாமே காட்டி கொடுத்தது போல் ஆகி விடும். நான் தான் புத்தி சாலி ஆயிற்றே அரை குறையாய் படித்ததை வைத்தே வேலையில் இருக்கும் போது அரை குறை ஹிந்தியை வைத்து சமாளிக்க முடியாதா என மனப்பால்( !!!) குடித்து பேரத்தில் இறங்குவேன்.. நான் பொருள் கேட்கும் அழகே தனி(!!) என்னமோ ஹிந்தி பண்டிட் போல கித்னா ரூப்யா எனக்கேட்பேன்.. அதற்கு அந்த நபர் 10 வரை கூறினால் பிரச்சினை இல்லை.. ஏனென்றால் நமக்கு தெரியும்.. ஆனா அவர் பத்துக்கு மேல் 11, 20, 30 என சென்றால் அவ்வளவு தான்.. இரு கைகளையும் மேலே தூக்காத குறையாக சரணாகதி அடைந்து விடுவேன்.. பிறகு ஆங்கிலம் தான்.. ஆங்கிலத்தில் கேட்டால் முதலில் அவர் ஹிந்தியில் எவ்வளவு சொன்னாரோ அதை விட ஒரு சில ரூபாய்கள் கூட தான் கேட்பார்கள்!!! இப்படி இழந்தது பல!!!

ஆக, அடுத்த மாநிலத்தில் பிச்சை எடுக்க கூட தேசிய மொழியோ , இல்லை அந்த மாநிலத்தின் தாய் மொழியோ அவசியம்.. பிற மாநிலங்களில் வேறு மொழி பேசினால் மரியாதை இருக்காது.. ஆனால் நம் மாநிலத்தில் தமிழ் தவிர மற்ற மொழிகள் அது புரியாத மொழியாக இருந்தாலும் அதற்கு தரப்படும் மரியாதையே வேறு!!! அதற்கு காரணம்.. தமிழ் மொழி மேல் உள்ள வெறுப்பு அல்ல.. பிற மொழிகள் மேல் உள்ள காதல்.. ஒரு குழந்தையிடம் ஒரு பொருளை தொட வேணாம் என சொன்னாலோ இல்லை பார்க்க வேணாம் என சொன்னாலோ அது தன் கையில் வைரமே இருந்தாலும் மறைத்து வைக்கப்பட்ட பொருளைத் தேடித்தான் போகும்.. அது போலவே நாமும்.. காலங்காலமாக மற்ற மொழிகளை கற்க விடாமல் அதன் மேல் ஒருவித ஈர்ப்பு !!! நம் தமிழக சினிமாக்களில்
படபடவென ஆங்கிலம் பேசும் கதா நாயகனை( பெரிய இடத்து பெண் சரோஜா தேவி முதல் சிவப்பதிகாரம் மம்தா வரை) கேட்ட (இங்கு பார்த்த வராது!!) உடனே காதலிக்கும் கதா நாயகிள் ஏராளம். இன்று ஒரு கிராமத்திற்கு சென்று அங்குள்ள விவசாயியை கேட்டால் அவர் சொல்லுவார் தம் பிள்ளை நுனி நாக்கில் ஆங்கிலம் பேச வேணும் என!!! அதில் தவறொன்றும் இருப்பதாக தெரியவில்லை.. ஏனெனில் அந்நிய மொழி எனில் அது ஆதாம் ஆப்பிளை போல ஆசை வருவது ஒன்றும் தவறில்லை எனவே தோணுகிறது..

200 ஆண்டுகள் அந்நிய தேசத்திடம் அடிமைப்பட்டும் அழியாத தமிழ் மொழியா மற்ற மொழிகளை கற்பதால் அழிந்து விடப்போகிறது? ஆகவே என்னைப்பொறுத்தவரை தமிழ் தமிழனோடு பேச மட்டுமே போதும்.. பிற மொழிகளை கற்றால் தான் தமிழன் முன்னேர முடியும்.. தமிழன் முன்னேறினால் கூடவே தமிழும் முன்னேறும்.. என் குழந்தைகளை முடிந்தால் தமிழ் மொழியின்றியே படிக்க வைக்க முயற்சி செய்வேன்.. அவர்கள் வீட்டில் பேசும் போது தமிழ் தானாக வந்து விட்டு போகட்டும் ..ஆனால் தமிழ் மொழியை எழுதி படித்தால் வாழ்க்கைக்கு எந்த விதத்திலும் உதவாது.... இதைக்கண்டதும் பல பேருக்கு கோபம் வரலாம்.. நான் கேட்பது ஒன்றே ஒன்று தான்.. நீங்கள் தமிழால் முன்னேறிய ஒருவரை(நிச்சயமாக அரசியல் வாதியை அல்ல) காட்டுங்கள், நான் அதே தமிழை மட்டும் கற்றதால் வீணாண அல்லது தமிழை கற்காமல் வேறு மொழி கற்றதால் முன்னேறிய 100 பேரை அடையாளம் காட்டுகிறேன்..இன்றும் ஏராளமாக கொட்டிக்கிடக்கும் அல்லது கொட்டிக்கிடந்த BPO போன்ற வேலைகளுக்கு தாய்மொழி பாதிப்பால் வேலை கிடைக்காதோர் ஏராளம்...

மொழி கருத்துகளை பரிமாறவே தவிர உணர்ச்சி பூர்வமாக அணுகக்கூடியது அல்ல... நீங்கள் நினைக்கலாம் இப்படியே விட்டால் தமிழ் அழிந்து போய் விடும் என்று.. அப்படியெனில் எழுத்தே இல்லாத படுகு போன்ற மொழிகள் இன்னமும் பேசப்பட்டு வருவது எப்படி? நம்மில் கூட பலர் சிறு வயது முதலே தமிழ் மொழியை அறவே தவிர்த்து பிற மொழிகளால் மட்டும் பாடங்களை கற்று உயர்ந்தாலும் இன்னமும் அவர்கள் தமிழிலேயே உரையாடிக்கொண்டுள்ளார்களே!!!மொழி காலப்போக்கில் மாறலாம் ஆனால் அழியாது,.,எங்கு வாழ்ந்தாலும் வலித்தால் அம்மா என்றே அழத்தோணும்..

ஆக தொண்மையான தமிழ் மொழி யாராலும் அழிக்க முடியாதது,,அதை யாரும் பாதுகாக்கவும் வேணாம் காப்பாற்றவும் வேணாம்.. வேண்டுமானால் தமிழனை காப்பாற்றுங்கள்.. தமிழ் தானாக வளரும்...



ஒரு உண்மை : முன்பு ஹிந்தி எதிர்ப்பு நடந்த சமயம்.. அப்போது பெயர் பலகைகளில் இருந்த ஹிந்தியை தார் பூசி அழிக்கும் போராட்டம் உச்சக்கட்டமாக நடந்தது.. அப்போது ஒருவரை ஏணியில் ஏற்றி பலகையில் உள்ள ஹிந்தியை அழிக்க சொன்னார்களாம். அவரும் தாரும், பிரஷுமாக ஏறி கீழே இருந்தவர்களை பார்த்து கேட்டாராம்

" இதுல எது ஹிந்தி எது தமிழ் ???"

ஆயிரம் பெரியார் வந்தாலும் திருத்த முடியாது!!!

என்ன நண்பர்களே!!! என்னடா இவன் திடீர்னு விவேக் காமெடி வசனத்த சொல்ரானேன்னு பாக்குறீங்களா? இந்த இடுகை விவேக் பத்தி தாங்க... நம்ம தமிழ் திரையுலகில் விவேக்கிற்கு என ஒரு தனி இடம் உண்டு,,அவருக்கு அவராகவே சூட்டிக்கொண்ட பட்டம் சின்னக்கலைவாணர்.. ஏனென்றால் அவர் பல சமூக நல கருத்துக்களை தான் நடிக்கும் படத்தின் வாயிலாக சொல்கிறாராம்.. ஜாதி, மொழி, மூட நம்பிக்கைகளுக்கு எதிராக இவர் பேசும் வசனங்கள் ஏராளம்.. நிற்க, இது ஒன்றும் அவர் புகழ் பாடும் இடுகை அல்ல!!!! கீழே உள்ள படங்களை பாருங்கள்., பிறகு நீங்களும் சொல்லுவீர்கள் தலைப்பை!!!









மிக முக்கிய பின் குறிப்பு : பன்றிக்காய்ச்சல்,நமீதா, கந்தசாமி,ஸ்ரேயா,விக்ரம், விஜய்,ரஜினி, ஜெயலலிதா.... வேற ஒண்ணும் இல்லீங்கோ.. இது எல்லாம் சூடான வார்த்தைகளாம்.. இத தேடியும் நம்ம பக்கத்துக்கு வருவாங்களாம். அதான்..

விருது வாங்கலியோ விருது!!!!!

வணக்கம் நண்பர்களே.. இன்று எனக்கு ஒரு விருதை வழங்கி கவுரவித்து(அதாங்க நம்மையும் ஒரு ஆளா மதிச்சு) உள்ள டயட் ஸ்பெசல்திருமதி . கீதா அவர்களுக்கு நன்றி.. இந்த விருதை நான் இன்னும் 10 பேருக்கு தரனுமாம்.. அதனால , கீழ்கண்ட அனைவரும் தயவு செஞ்சு விருத வாங்கிக்கோங்க சாமியோவ்வ்வ்வ்வ்வ்வ்வ்...........................




*சிவனேசு

* சுபா

* ஸ்டார்ஜன்

* சுரேஷ் பழனியிலிருந்து

* பெஸ்கி & கிறுக்கல் கிறுக்கன்

* சந்ரு

* பிரியங்கா

* ஞானசேகரன்

* இயற்கை மகள்

* குட்டி பிரபு

* சப்ராஸ் அபூ பக்கர்

* சம்பத்

* சுரேஷ்குமார்


மிக முக்கிய பின் குறிப்பு : இந்த விருது எதுக்குண்ணா? உங்களை யார் அதிகமாக ஊக்கப்படுத்துகிறார்களோ அதிகமாக பார்வையிடுபவர்கள்,உங்களுக்கு பிடித்த மற்றவர்களின் சமையல் குறிப்புகள் இப்படி பல காரணங்கள் இருக்கு.அதுதான் இந்த அவார்ட்டின் அர்த்தம்( நன்றி மேனகா!!!)

ஆயிரம் ரூபா குடுத்தாலும் வாங்காதீங்க...

.




என்ன நண்பர்களே? என்னடா இவன் நாட்டு நிலைமை புரியாம பேசரான்னு பாக்கிறீங்களா? நான் சொல்லலங்க.. நம்ம அரசு அதிகாரி சொல்லி இருக்கிறத பாருங்க...



இனிமேல் 1000 ரூபா நோட்டு யார் குடுத்தாலும் மேற்கண்ட ஆணை படி கவனித்து வாங்குங்க..

இந்தியர் என்பதில் பெருமிதம் கொள்வோம்...

.











இந்தியராக பிறப்பது இயற்கை

இந்தியராக வாழ்வது கடமை!!

இந்தியராக இறப்பதே பெருமை!!!!

பிரபல பதிவர்களுடன் டைடல் பார்க்கில் கவுண்டர் பாகம் 2

நம்ம கவுண்டர் முதலாவது பாகத்தில் சில நடிகர்களுடன் பட்டது உங்களுக்குதெரியும்,. தெரியாதவர்கள் இங்கு செல்லவும்.. இதோ நீங்கள் ஆவலுடன்இல்லாவிட்டாலும் எதிர்பார்த்த இரண்டாம் பாகம்..

கவுண்டர் : அய்யோ.. இவனுக தொல்லை தாங்கல.. இவனுகள ஒருத்தன்புரஜக்ட அடுத்தவன பாக்க சொல்லி கொல்லணும்...

செந்தில் : மிஸ்டர். பெல்.. அடுத்த ஆள கூப்புடலாமா?

கவுண்டர் : நடிகர்கள் வேணாம். வேற யாராச்சும் இருந்தா கூப்பிடு

செந்தில் : அப்போ பதிவர்கள கூப்புடலாம்.. வாங்க ஞானசேகரன்..

ஞானசேகரன் : வணக்கம்..

கவுண்டர் : வணக்கம். பாக்க நல்ல ஆள் மாதிறி இருக்கீங்க.. வாங்க.. ஆமா உங்கபுராஜக்ட் என்ன?

ஞானசேகரன்: இந்த தண்ணி பத்தி

கவுண்டர் : என்னது தண்ணியா? இப்ப தானே உங்கள ரொம்ப நல்லவர்னுசொன்னேன் அதுக்குள்ள?

ஞானசேகரன் : அது இல்லேங்க,.. இந்த நிலத்தடி தண்ணீர்

கவுண்டர் : என்னது நிலத்தடி நீரா? ஏங்க சாராயமே தப்பு. அதில பூமிக்குள்ள வச்சுஊரல் போடுற கள்ள சாராயம் பத்தி வேற விளக்கம் சொல்றீங்களா? என்னங்கஇது?

ஞானசேகரன் : அய்யோ .. நண்பரே.. அது இல்லேங்க.. ஒரு ஜென் கதைசொல்ரேனே?

கவுண்டர் : என்னது ஜின்னா? டேய் பீர்பாட்டில் வாயா .. இவர அனுப்புடா.. காலையிலேயே போதையேத்துரார்!!!

ஞானசேகரன் : தங்கள் அழைப்புக்கு மிக்க நன்றி நண்பா..

கவுண்டர் : ஓ .. இது வேரயா? ம்ம்ம் ரொம்ப நன்றிங்க..

செந்தில் : அடுத்து வாங்க கிரி..

கிரி : வணக்கமுங்க.. நமக்கு சத்தியமங்கலத்துக்கு பக்கம், கோபிச்செட்டிபாளையமுங்க ஊர்..

கவுண்டர் : ( அய்யோ நம்ம ஊரா.. இவர் என்ன பண்ண போராரோ!!) அப்படியா.. வாங்க .. சொல்லுங்க ..

கிரி : அவர் இந்த கம்பனிக்கு CEO ஆனா , இந்த கம்பனிய ஆண்டவனாலேயேகாப்பாத்த முடியாது.. அவர் ஒரு நல்ல கணிப்பொறி வல்லுநர்!! இனிமே தான்அவர் ஜாக்கிரதியா இருக்கணும்.. ஏன்னா இந்த கம்ப்யூட்டர் வைரஸ் பத்தி எனக்குதான் முழுசா தெரியும்..

கவுண்டர் : என்னடா இது? சம்பந்தம் இல்லாம பேசராரு.. ஏங்க கிரி.. உங்கள பத்திசொல்லுங்க

கிரி : நான் இந்த கம்பனிக்கு CEO ஆகனும்னு விதி இருந்தா ஆண்டவனாலேயும்அத தடுக்க முடியாது.. ஆனா ஆண்டவனே சொன்னாலும் நான் நினைச்சா தான்ஆவேன்

கவுண்டர் : ராசா. நான் நினைச்சா தான் எல்லாமே ஆக முடியும்.. ஏன்னா நான்தான் இந்த கம்பனிக்கு சேர்மன்..

கிரி : இறைவா.. பைரைட் சாப்ட்வேர்ல இருந்து இவர காப்பாத்து.. வைரஸ்ஸநானே பாத்துக்கிறேன்..

கவுண்டர் : அய்யோ !!! நான் என்னடா பாவம் பண்ணினேன்...ஒண்ணுமே புரியமாட்டேங்குதே இவர் சொல்ரது

கிரி : ஆஃபீஸ்ஸுக்கு எப்போ வருவேன் எப்படி வருவேன்னு தெரியாது .. ஆனாவர வேண்டிய நேரத்துக்கு கண்டீப்பா வருவேன்

கவுண்டர் : வர வேண்டிய நேரம்னா? சம்பள நாளுக்கா?

செந்தில் : சரி சரி .. வாங்க கிரி.. அடுத்தவர கூப்புடலாம்.. வாங்க பெஸ்கி

பெஸ்கி : வணக்கங்க

கவுண்டர் : வணக்கம்.. சொல்லுங்க

பெஸ்கி : மவுண்ட் ரோடு பக்கத்தில ஒரு ஆயா முட்ட போண்டா போடுராங்க.. நான் நேத்து தான் சாப்பிட்டேன்... அருமையா இருந்துச்சு.. இத பாருங்க( போட்டோ காட்டுகிறார்)

கவுண்டர் : .....................................

பெஸ்கி : நான் போன தடவ , கோயம்புத்தூர் போயிருந்தப்போ , ஒரு முக்கு சந்திலபெக்கு சாப்பிட்டிட்டே பக்கத்து கடையில இருந்து ஒரு கை முருக்கு சாப்பிட்டேன்அருமையா இருந்துச்சுங்க.. அந்த கடை அட்ரஸ். 111. மூணாவது முக்கு சந்து, கோவை( வேறு எங்கும் கிளைகள் இல்லை!!!)

கவுண்டர் : மேல.....

பெஸ்கி : நட்புங்கறது வெத்திலைக்கு தடவர சுண்ணாம்பு மாதிறி இல்ல
அது
தம்மு பத்த வைக்க தர்ர பாதி சிகரெட் மாதிறி!!!!

கவுண்டர் : என்ன இது?

பெஸ்கி : எனக்கு வந்த குதசே ங்க... இப்படி தான் நான் மூணாவது படிக்கும் போது


கவுண்டர் : சார்.. நான் ரொம்ப டென்சனா இருக்கேன்.. தயவு செஞ்சு


செந்தில்: (அடுத்து யார கூப்பிடலாம்?) மிஸ்டர் பெல்.. உங்க செக்ரட்டரிபோஸ்ட்டுக்கு ஒரு பொண்ணு வந்திருக்கு.. கூப்பிடவா?

கவுண்டர் : பொண்ணா ? எப்படிடா இருப்பாங்க?

செந்தில் : சும்மா கும்முன்னு தொட்டா ரத்தம் தெரிக்குங்க ..

கவுண்டர்: டேய்.. தொட்டா ரத்தம் தெரிச்சா அது தோல் வியாதிடா? ஏண்டா என்னபழிவாங்க எவளோ ஒரு பிச்சக்காரிய கூப்பிட்டு வந்திட்டியா?

செந்தில் : இல்லேங்க.. வாங்க நமீதா..

நமீதா : ஹாய் மச்சான்.........உம்மா..

கவுண்டர் : ....................................%$$%$#%$#%$@#

நமீதா : மச்சான் நான் .........


கவுண்டர்: ஸ்டாப்.. நீங்க ஒண்ணும் சொல்ல வேணாம்.ஹா ஹா ஹா. யூ ஆர்அப்பாயிண்டெட்..


செந்தில் : டேய் .. பல்பு மண்டையா. நான் என் செக்ரட்டரி கூட கொஞ்சம் பேசவேண்டி இருக்கு.. மீதிய நாளைக்கு கண்டினியூ பண்ணலாம்னு சொல்லிடு.....



இத்துடன் இரண்டாம் பாகம் முற்றும்.. எனக்கு இன்னும் அக்பர், சுரேஷ், ஸ்டார்ஜன், மேனகா, கீதா, சிவனேசு, ஹர்சினி அம்மா, ஜலீலா , பிரியமுடன்வசந்த், பிரியங்கா, சுபான்னு எல்லாத்தையும் வச்சு கலாய்கலாம்னு ஆசை தான்.. ஆனா அவங்க தப்பா எடுத்துக்குவாங்கலோன்னு பயமா இருக்கு.. அவங்க பதிலவச்சி அடுத்த பாகத்த தொடரலாம்னு இருக்கேன்.. ,.. ,......

ஈழத்தமிழர்களுக்கு அமர்ப்பணம்...

இறைவா எரித்து விடு எங்களையும்..!!
நீ ,வால் கொண்டு வைத்த தீ ஆறினாலும்,
போர் கொண்டு வைத்த தீ தொடர்கிறது...!!
உணர்ந்தாலும்,உணராமல்,
நினைந்தாலும் எளிதில்,

உண்கையில்,உறங்கையில் மறக்கிறோம் அதை..!!

அவர்க்கு உண்மையில் எதிரிகள், அவர்களா..??
உணர மறுக்கும் நம்மை விட..??
உடல் நொந்தாலே உளரிடும் ஓர் வார்த்தை அம்மா,
மண் கூட தாய் தானே..!!
தாய்காக போராடும் உறவினர்கள்,
நோய்க்காக என்ன செய்ய..??

இறப்பது எதிரியானால்,சிரிப்பதில் அர்த்தமில்லை,
உயிர் போகும் வலி ஒன்றாய் இருப்பதால்..
இறைவா நிறுத்திடு போரை,
இல்லை எரித்திடு எங்களையும்,
உணர்ந்தாலும்,உணர மறுத்திடும் எங்களையும்..!!

இறுதியாய் ஒன்று,
இணையுங்கள் இந்தியராய்,
சிறு நகரம் தாண்டி செல்ல அனுமதி வாங்கும் நிலையை,
அனுமதியோம் ஒரு நாளும்..!!

************************************************************************************


கண்ணீர் அஞ்சலி..!!

~~~~~~~~~~~~~~~~

மனிதா என்று இறந்தாய்..??
யாருக்கும் தெரியாமல்..
நீ பிறந்ததற்கு சாட்சியம் உள்ளது..
அச்சிலும் சிலர் அகத்திலும்..

கடவுளே..??..!!..
இல்லை உன்னிடமும் சொல்ல முடியாது..
வாள் கொண்டு ,வேல் கொண்டு , நூல் கொண்டு,
நீயும் வண்ணமாய் நிற்பதனால்..

எப்படி இறக்க ஆரம்பித்தோம் நாங்களும்..??
எட்டிப் பார்த்தால் கட்டிக் கொள்ளும் ஓர் தொற்று ,
சாதியாய், மதமாய், இனமாய்
இன்னும் எப்படியெல்லாம் இயலுமோ அப்படியே...
அனைத்தும் தொற்றிக் கொண்டதால்...

சிந்தைக்குள் நுழைந்துவிட்டால்..
அதன் வேலை அது பார்க்கும்..

கண்ணா பார்த்தாயா..??
கீதை மிக பத்திரமாய் எங்களிடம்...
நீ உரைத்த அனைத்தையும் உதறிவிட்டு,
ஓர் வரியை மட்டும் எடுத்துக் கொண்டோம் அதுவும் உனக்காக...

"எங்களிடம்"..எனும் போதே அதன் வேலை அது துவங்கி இருந்தால்,
மாற்றிக் கொள்ளுங்கள் "மக்களிடம்"...

ஓர் வரிக்கு பூங்கொத்தும் ,
"எங்களுக்கு.?" மலர்வளையமும்..!!
கண்ணீருடன்..!!

________________________________________

மிக முக்கிய பின் குறிப்பு:
இது சத்தியமா நான் எழுதலேங்க.. ஆனா இத சொந்தம் கொண்டாட எனக்கு உரிமை இருக்கு.. ஏன்னா இந்த கவிதை எழுதினதே என் தம்பி தான்..

உங்க அலைபேசி எங்கே தயாரிக்கப்பட்டது? அது நல்ல நிலையில் உள்ளதா?

தமிழக மக்கள் மொத்தம் 4 கோடியோ பேர் அலைபேசி உபயோகப்படுத்துவதாக இன்று ஒரு செய்தி படிக்க நேர்ந்தது.. நாமும் அதை தொடர்பு படுத்தி ஏதேனும் செய்தி போடலாமென எண்ணியே இந்த இடுகை..

நண்பர்களே உங்கள் அலைபேசி எங்கே தயாரிக்கப்பட்டது , அதன் உண்மையான நிலை என்ன என்பதை கீழ்காணும் சோதனை மூலம் எளிதில் அறியலாம்..

* உங்கள் அலைபேசியில் *#06# என அழுத்தவும்...இது உங்களுக்கு உங்கள் அலைபேசியின் IMEI(International Mobile Equipment Identity Number) எனப்படும் 15 இலக்க எண்ணை உங்களுக்கு தரும்..

* உங்களுக்கு கிடைத்த எண்ணில் 7 மற்றும் 8 இலக்க எண்களை, அதாவது உங்கள் IMEI எண் 1 2 3 4 5 6 X Y 9 10 11 12 13 14 15 எனில் X மற்றும் Y எடுத்துக்கொள்ளுங்கள்..

* உங்கள் 7 மற்றும் 8 இலக்கங்கள் முறையே 02 அல்லது 20 என இருந்தால் உங்கள் அலைபேசி அமீரகத்தில் தயாரிக்கப்பட்டதுடன் நல்ல நிலையிலும் இல்லை

* உங்கள் 7 மற்றும் 8 இலக்கங்கள் முறையே 08 அல்லது 80 என இருந்தால் உங்கள் அலைபேசி ஜெர்மனில் தயாரிக்கப்பட்டது, பரவாயில்லை ரகம்.

* உங்கள் 7 மற்றும் 8 இலக்கங்கள் முறையே 01 அல்லது 10 என இருந்தால் உங்கள் அலைபேசி ஃபின்லாந்தில் தயாரிக்கப்பட்டது.. மிகவும் நல்ல ரகம்.

* உங்கள் 7 மற்றும் 8 இலக்கங்கள் முறையே 00 அல்லது 00 என இருந்தால் உங்கள் அலைபேசி அதன் சொந்த நிருவனத்தில் தயாரிக்கப்பட்டது. மிக மிக நல்ல ரகம்.

* உங்கள் 7 மற்றும் 8 இலக்கங்கள் முறையே 13 அல்லது 13 என இருந்தால் உங்கள் அலைபேசி Azerbaijan நாட்டில் தயாரிக்கப்பட்டது. மிகமிக மோசமான வகை. மேலும் உங்கள் செவிக்கும் ஆபத்து..

இன்னும் என்ன தாமதம்.. அழுத்துங்க, கண்டுபிடிங்க அப்புறம் ஜக்கம்மாவ மதிச்சு உங்க அலைபேசி பத்தி அப்படியே சொல்லீட்டும் போங்க !!!



கொசுறு : உங்களுக்கு ஏதேனும் ஆபத்து எனில் உங்கள் அலைபேசியிலிருந்து அழுத்துங்கள் 112. இது உலக அளவிலான அவசர அழைப்பு எண். உங்கள் அலைபேசி அதன் எல்லைக்கு(அதாங்க டவர்) வெளியில் இருந்தாலும் இது வேலை செய்யும். இந்த வசதி அருகில் உள்ள ஏதெனும் அலைபேசி அலைவரிசையை கண்டு செயல்படும்( பேட்டரி இல்லாவிட்டாலுமா என கவுண்டர் பாணியில் கேட்க கூடாது!!)

கொசுறு 2 : உங்கள் கார் ரிமோட்டில் இயங்க கூடியதா? உங்கள் கார் சாவியை உள்ளே வைத்து மறதியாக பூட்டி விட்டீர்களா?உங்கள் ரிமோட் சாவி வீட்டில் உள்ளதா? கவலை வேண்டாம். உங்கள் வீட்டில் இருக்கும் யாரவது ஒருவரை உங்கள் அலைபேசி மூலம் அழையுங்கள், உங்கள் அலைபேசியை காரின் கதவுக்கு ஒரு அடி அருகில் வைத்து வீட்டில் உள்ளவரை அவர் அலைபேசியின் அருகில் உங்கள் ரிமோட் சாவியை திறக்கச் செய்யுங்கள்.. என்ன தூரம் என்றாலும் கவலை இல்லை , உங்கள் கதவு திறக்கும்!!

கொசுறு 3: என்னுடைய சோனி w830i, என் அம்மிணியின் ஐ மேட் ஜமா இரண்டும் ஃபின்லாந்து தயாரிப்பு :) ஆனால் என் பழைய நோக்கியா அமீரக தயாரிப்பு : (

பதிவர்களுக்கு கூகுள் சொல்லும் நீதி..

அண்மையில் பல பதிவர்களால் தங்களது பதிவை காண இயலவில்லை.. எனக்கு இதுவரை அந்த வாய்ப்பு கிடைக்கவில்லை(!!!??).. அந்த பிழைச்செய்தி கீழ்கண்டவாறு கிடைப்பதாக அறிந்தேன்....

We're sorry...

... but your computer or network may be sending automated queries. To protect our users, we can't process your request right now.
See Google Help for more information.


ஆக, கூகுள் தனது சேவையை நிறுத்தினாலோ, அல்லது கட்டண சேவையாக மாற்றினாலோ(கண்டீப்பாக அப்படி நடக்காது!!!) என்ன நடக்கும்?

* பதிவுலக பிரம்மாக்கள் அதாங்க பிரபல பதிவர்கள் என கூறிக்கொள்பவர்களை அவர்களின் வீட்டை(கணிணியை) விட்டு வெளியில் வந்தாலே அடையாளம் தெரியாமல் போகும்..

* பல வஷிஷ்டர்கள் (நினைப்பு தாங்க !!) பிறருக்கு பிரம்மரிஷி பட்டமும் அளிக்க இயலாமல் போகும்!!

* தமிழ்மணம், தமிழிஷ் போன்றவைகளை நடத்தும் சில பதிவர்கள்( ஐடியா விளம்பரம் போல) ஈ ஓட்ட ஆரம்பித்து விடுவர்..

* இந்த ஓட்டு, எதிர் ஓட்டு , கள்ள ஓட்டு பிரச்சினை எதுவும் இருக்காது

* வலியவர் , எளியவர்களை கூட்டமாக சேர்ந்து கும்மியடிக்க இயலாமல் போகும்!!!

* கண்டீப்பாக என் போன்றோர் வேலை செய்யும் அலுவலகத்தில் பழைய நிலையை விட அதிக உற்பத்தியை ஈட்ட வாய்ப்பு ஏற்படும்

* மிகப்பெரும் தலைவர்களை விட பெரிய ஆளாக தம்மை நினைத்து ( அதாங்க முதல்வர், முன்னால் முதல்வர், எதிர்கட்சி தலைவர்கள், பல பிரபல நட்சத்திரங்கள்) தம்மை பற்றி ஏதேனும் சொன்னால் தமது அடி பொடிகளுடன் சேர்ந்து கும்மி அடிக்க இயலாமல் போகும்!!!

* குடும்பத்துடன், நண்பர்களுடன் நேரம் செலவளிக்க வாய்ப்பு கிடைக்கும்..

* ஓட்டையும், பின்னூட்டத்தையும் தனித்தனியாக வாங்கிக்கொண்டு அவைகளுக்கான பதிலை மட்டும் ஒரே வரியில் எழுத வாய்ப்பு கிடைக்காமல் போகும்..




பின் குறிப்பு : இது நகைச்சுவைக்காகவே ,யார் மனதையும் புண்படுத்த அல்ல என்றெல்லாம் கூறப்போவதில்லை.. ஏனெனில் இது நடந்தவை, நடந்து கொண்டிருப்பவையே.. இதை சொல்ல எனக்கு எந்த பயமோ, வருத்தமோ இல்லை..அதே சமயம் இந்த பதிவுலகம் எனக்கு பல நண்பர்களை தந்திருக்கிறது. அதை மறுக்கவோ, மறக்கவோ இல்லை !!!

உங்கள் காலணி முடுச்சு எப்படி ??

நம்மில் பல பேர் காலணி அணிவோம்,.. அதிலும் கணிணித்துறையில் உள்ளவர்கள் பிரதி வாரம் வெள்ளியன்று ஸ்போர்ட்ஸ் காலணி எனப்படும் வகையை அணிவது வழக்கம்.. அப்படி அணியும் காலணியை கட்டும் முறைகள் பல உள்ளன.. அவை பற்றி ஒவ்வொன்றாக பார்ப்போம். கட்டும் முறைகள் பற்றிய விளக்கம் ஆங்கிலத்தில் இருக்கும்(அதை மொழி பெயர்த்தால் கண்டீப்பாக நீங்கள் என்னை தேடி வந்து உதைக்க தோணும்) ஆகவே சந்ரு பொருத்தருள வேண்டும்..
டிப்ஸ்

A. Ladder



1. The lace is run straight across the bottom and emerges through both bottom eyelets
2. The laces then go straight up and are fed into the next set of eyelets up the shoe
3. The ends are crossed over and are fed under the vertical lace section on the opposite sides of the shoe before going straight up and into the next set of eyelets up the shoe
4. At the top set of eyelets, the laces can once again cross over and pass under the straight section as shown. This not only looks consistent with the rest of the lacing but also forms a High Lace Lock, which tightens the lacing even more firmly.

B. Zipper




1. The lace is run straight across the bottom and emerges through both bottom eyelets
2. The ends are looped back under the lace where it feeds under the side of the shoe
3. The ends are then crossed over each other, then they go under and out through the next set of eyelets up the shoe
4. Steps 2 and 3 are repeated until both ends reach the top eyelets.

C. Double



1. The lace runs straight across the second set of eyelets from the top of the shoe
2. Cross the ends over and feed into the fourth set of eyelets, skipping the third set
3. Continue down the shoe, two sets of eyelets at a time
4. At the bottom, run the laces vertically between the bottom and second from bottom eyelets
5. Double back and work your way back up the shoe through the vacant sets of eyelets.

D. Loop Back



1. The lace is run straight across the bottom and emerges through both bottom eyelets
2. The left (red) end is spiralled up the left side of the shoe, with the end fed under and emerging from each eyelet
3. The right (orange) lace is spiralled up the right side of the shoe, at each eyelet looping through the left (blue) lace in the middle of the shoe before feeding under and emerging from the next eyelet.

E.Sawtooth


1. The lace runs straight across the bottom and the ends are fed into both bottom eyelets
2. One end of the lace (orange end) runs straight up the right side, emerges from and runs straight across the second set of eyelets
3. The other end (red end) runs diagonally underneath and, skipping the 2nd set of eyelets, emerges from and runs straight across the 3rd set of eyelets
4. Continue running each lace diagonally across and up 2 sets of eyelets until one end (orange in my example) reaches the top right eyelet
5. The other end (red in my example) then runs straight up the left side to emerge from the top left eyelet.

G. Display



1. The lace is run straight across the bottom and is fed into rather than emerging from both bottom eyelets
2. The ends are crossed over, then inserted into the next set of eyelets up the shoe
3. This process is repeated until both ends reach the top eyelets and end up inside.

I. Twistie



1. The lace is run straight across the bottom and emerges through both bottom eyelets
2. The ends are twisted together with one complete twist in the middle of the shoe
3. The ends then continue across to the opposite sides, where they go under and out through the next set of eyelets up the shoe
4. This process is repeated until both ends reach the top eyelets.

K. Checkerboard



1. Start with two pairs of different colour laces, preferably the wide, flat variety (I was lucky to receive two such pairs with my last runners!)
2. With one colour (orange in my example), lace the shoe using either Straight (Fashion) or Straight (Lazy) Lacing
3. With the other colour (red in my example), start at the bottom of the shoe and weave the lace in and out of the other lace until you reach the top
4. Fold around the top lace and head back down, weaving out and in until you reach the bottom
5. Continue across the shoe until you’re out of room or out of lace, whichever comes first
6. Tuck all the loose ends of the laces into the shoe.

டைடல் பார்க்கில் நம்ம கவுண்டர் ... பாகம் 1

கவுண்டர் ஆக்ஸ்போர்டு பல்கலைக்கழகத்தில் படித்து, பட்டம் பெற்று பின் அங்கே கணிபொறி வல்லுனராக வேலை செய்து பின் பல கோடிகளை சம்பாத்திது இந்தியா வருகிறார்.. இல்லை,இல்லை இது சிவாஜி ரீமேக் இல்லை.. அந்த அளவிற்கு கேவலமாக இல்லாவிட்டாலும் சிறிதளவேணும் மாறுபட்டது..

நம்ம கவுண்டர் இந்தியா வந்ததும், செந்திலின் உதவியுடன் ஒரு மிகப் பெரிய கணிப்பொறி சாம்ராஜ்யத்தை உருவாக்க முடிவு செய்கிறார்.. நிறுவனத்திற்கு பெயரும் வைத்தாயிற்று.. தங்கள் நிறுவனத்திற்கு ஆள் எடுக்க செய்தித்தாளில் விளம்பரமும் செய்து , தற்போது ஆள் எடுக்க நேர்காணல் நடக்கிறது.... இனி நாம் நேர்காணல் நிகழ்ச்சிக்கு போவோம்..

செந்தில் : பாஸ், பாஸ்....

கவுண்டர் : டேய்.. கீ போர்ட் வாயா.. நாம என்ன கொள்ள கூட்டமா நடத்துறோம்? இது சாப்ட்வேர் கம்பனி டா..பாஸ் பாஸ்னு கூப்பிட்டு வேர ஏதோ தொழில் பண்றோம்னு நினைக்க போறாங்க.. அதுவும் உன்ன பாத்தா புள்ள புடிக்கிறவன் மாதிறியே இருக்கு..

செந்தில் : வேற எப்படிணே கூப்புடரது?

கவுண்டர் : ஹ்ம்ம்.. அமெரிககவில கூப்புடற மாதிறி மிஸ்டர் பெல்ன்னு கூப்புடு..

செந்தில் : ஓகே.. மிஸ்டர் பெல்.. இண்டர்வியூக்கு வந்திருக்கரவங்கள கூப்புடவா?

கவுண்டர் : ம்ம்ம்ம்... கூப்புடு

டி ஆர் : சார் வணக்கம்.. என் பேரு டி ஆரு.. ஊருக்குள்ள எனக்கு நல்ல பேரு..

கவுண்டர் : அய்யோ அம்மா... என்னடா இது புதர் பேசுது?

செந்தில் : அண்ணே அது புதர் இல்ல.. நல்லா பாருங்க..

கவுண்டர் : நல்லா பாக்குறதுக்கு இவன் என்ன நமிதா படமாடா? நல்ல பேண்ட் சர்ட் போட்ட கரடி மாதிறி இருக்கான்..
ஆமா என்ன என்ன புராஜக்ட் எல்லாம் பண்ணி இருக்கே?

டிஆர் : சார்.. என் லேட்டஸ்ட் ப்ரொஜக்ட் வீராசாமி.. இது ராணுவ சம்பந்தமான் புராஜக்ட் .. சமீபத்தில அமெரிக்கா வாங்கீட்டு போயிருக்காங்க..

கவுண்டர் : என்னது அமெரிக்காவா? எதுக்கு?

டிஆர் : இல்லே சார். அந்த பின்லேடன் தொல்ல தாங்கலயாம்.. அதான் அவன் நடமாடுர ஏரியாவில நம்ம புராஜக்ட் பத்தி எடுத்து சொல்லி அவனை வளைச்சி பிடிக்க போறாங்களாம்..

கவுண்டர்: ஆமா.. இவன வண்டலூர்லயே தேடுவாங்க போல இருக்கு.. இதுல இவன் வேற.. எந்திரிச்சு போக சொல்லு.. அடுத்தவ வரச்சொல்லு..

விஜய் : ந்ண்ண்ணா வணக்கங்கண்ணா!!

கவுண்டர் : வணக்கம் எல்லாம் இருக்கட்டும் யாரு நீ?

விஜய் : யாரு புரோக்ராம் எழுதினா பக் வந்து கம்ப்யூட்டரெல்லாம் நாசமா போகுமோ .. அவன் தான் தமிழ்..

கவுண்டர் : ஓ.. அவ்வளவு பெரிய தில்லாலங்கடியா நீ? என்ன பண்ணுவ வேலைக்கு எடுத்தா?

விஜய்: ஒரு முறை நான் எழுதின புரொகிராம நானே டெஸ்ட் பண்ண மாட்டேன்,,,

கவுண்டர் : அப்போ பிரியமுடன் வசந்த்தா வந்து சரி பண்ணுவாரு? கேள்வி கேட்டா பதில் சொல்லுடா.. பன்ச் டயலாக்குன்ற பேரில என்னனமோ சொல்லிட்டு.. நீ என்னன்ன புராஜக்ட் எல்லாம் பண்ணி இருக்கே?

விஜய் : நிறைய பண்ணி இருக்கேங்க..அதுல முக்கியமா இந்த வில்லு . பத்தி சொல்லனும், அது மாதிறி உலகத்திலேயே.......

செந்தில்( இடைமறித்து) மிஸ்டர் பெல்......ஒரு நிமிஷம்....

விஜய் : சைலன்ஸ்.. பேசிட்டு இருக்கோமில்ல?????

கவுண்டர் : அடேங்கப்பா.. செஞ்சது குப்பை புராஜக்ட், இதில உனக்கு இத்தன லவுட்டு ? ஒழுங்கா ஓடிப்போயிடு...அடுத்தவ வரச்சொல்லு..

அஜித் : வணக்கம்..

கவுண்டர் : வணக்கம்.. உன்ன பத்தி சொல்லு..

அஜித் : நான் தனியாள் இல்ல..எனக்கு பின்னால ஒரு கூட்டமே இருக்கு

கவுண்டர் : எங்கே காணொம்? இப்படிதாண்டா ரொம்ப நாளா சொல்லி ஏமாத்துறீங்க.. திருந்துங்கடா

அஜித் : நான் கோட் பண்ணி வந்த பக் இல்ல.. தான வந்த பக்... அது..

கவுண்டர் : எதுடா?.

அஜித் : அது தான் ..

கவுண்டர் : அய்யோ ராமா..தாங்க முடியலியே.. முதல்ல இவன அனுப்புடா வெளிய .. டேய் கரிச்சட்டி மண்டையா.. முடியலடா. மீதிய கொஞ்ச நேரம் கழிச்சு வச்சுக்கலாம்

செந்தில் மனதில் ( இதுக்கே இப்படிண்னா, இன்னும் ராமராஜன், பூர்ணம் விசுவநாதன்,விஜய காந்த், நமிதா, ஸ்டார்ஜன், அக்பர், சுரேஷ், பெஸ்கின்னு பல பேர எப்படி சமாளிக்க போறாரோ!!!!)

சென்ற வார உலகம்......

மிக நீண்ட இடைவெளிக்கு பிறகு என் தாய்(Base Company) அலுவலகத்திற்கு பேருந்தில் செல்ல நேர்ந்தது(ஆமா பெரிய பில்கேட்ஸ் பேரன் பஸ்ல எல்லாம் போக மாட்டாராம் என தயவு செய்து திட்ட வேண்டாம் என்றாலும் கேட்கவா போறீங்க?? திட்டுங்க திட்டுங்க .....) இது வரை சுமார் 2 ஆண்டுகள் என் க்ளைண்ட் அலுவலகத்தில் பணி புரிந்து வந்தேன்.. பிறகு அந்த வேலை முடிந்தவுடன் மீண்டும் என் பழைய அலுவலகம் செல்ல நேரிட்டது.. என் அலுவலகம் இருப்பது தி.நகரில், நான் வசிப்பது திருவாண்மியூரில்.. ஆக அலுவலகம் செல்ல பேருந்து தான்.. எனக்கு இன்னும் இருசக்கர வாகன ஓட்டும் அனுமதி கிடைக்கவில்லை(ஏனெனில் நான் இன்னும் சின்ன பையனாம்!!!)


இங்கே பேருந்தில் வலது புறம் ஆண்களும் இடது புறம் பெண்களுமாக அமர்ந்திட வேண்டும்.. ஆனால் பெண்கள் எங்கு வேண்டுமானாலும் அமரலாமாம்... என்ன நியாயமோ? எனக்கு எனது ஊர், கோவை பேருந்து நினைவுக்கு வந்தது, அங்கே பெண்கள் முன்பும், ஆண்கள் பின்பும் அமர வேண்டு...நான் ஊருக்கு சென்ற போது இதே நினைப்பில் முன்னர் உள்ள இருக்கையில் அமர்ந்து திட்டு வாங்கியது வேறு விசயம் !!!!
அதுவும் கோவையிலிருந்து திருப்பூர் வரை செல்லும் தனியார் பேருந்துகளில் ஓட்டுனர் அருகில் உள்ள பேனட்டில் இளம் பெண்கள் அமர தனியாக ஒரு இருக்கை வேறு போடப்பட்டிருக்கும்.. அங்கே பெண்கள் அமர்ந்ததும் அந்த ஓட்டுனர்கள் அடிக்கும் லூட்டி இருக்கிறதே!!! பார்க்க படு பொறாமையாக இருக்கும்.. அதனால் தான் பல விபத்துகள் கோவை, திருப்பூர் சாலையில் நடைபெறுகிறதென நினைக்கிறேன்..

ஒருமுறை தி நகரில் இருந்து வீட்டிற்கு பேருந்தில் வந்தேன்.. நல்ல மழை வெளியில்.. குடைக்குள் மட்டுமல்ல என் பேருந்துக்குள்ளும் மழை !!! சைதாப்பேட்டையில் சில பள்ளி மாணவர்கள் ஏறினர்.. படியில் நின்ற படி சில பள்ளி மாணவர்கள், அவர்கள் பிறரின் கவனத்தை ஈர்க்க செய்த செயல்கள் அனைத்தும் கோபத்தையே வரவழைத்தது... அதில் ஒரு மாணவன் தனது உதட்டின் கீழே ஏதோ ஒன்றை குத்தி இருந்தான்.. அந்த மாதிரி ஒரு குண்டூசி போன்ற ஒன்றை இதற்கு முன் ஏதோ ஒரு நடிகையின் மத்திய பிரதேசத்தில் பார்த்த நியாபகம்.. இந்த மாதிரி ஒரு குண்டூசி போன்ற அமைப்பை அவன் உதட்டின் கீழ் மாட்டிய மருத்துவர் யாரோ!!!!

அவன் பேருந்து நிற்கும் ஒவ்வொரு நிறுத்தமும் இறங்கி , பேருந்து நகர்ந்ததும் பின் ஓடி வந்து ஏறியபடியே பயணத்தை தொடர்ந்தான்.. நடத்துனர் சொல்லியும் கேட்கவில்லை.. நமக்கேன் வம்பு என அவரும் விட்டு விட்டார்.. அடையார் வந்தது அந்த குண்டூசி மாணவன் வெகு ஸ்டைலாக பேருந்தில் குதித்து இறங்கி, பின் வழக்கம் போல ஓடி வந்து ஏற முற்பட்டான்.. மழை காரணமாக அவன் வழுக்கி விழ நல்ல அடி அவன் முகத்தில்.. ஆனால் யாரும் கவலைப்பட வில்லை.. எனக்குள் இருந்த மிருகம் மிகவும் சந்தோசப்பட்டது.. இப்படித்தான் வேணும் என என் மனம் சந்தோசக் கூச்சலிட்டது( !!!!????)...

இப்படி பேருந்தில் படியில் பயணம் செய்து கீழே விழுந்து தத்தம் கை, கால்களை, பின் வாழ்க்கையை இழந்த பலர் பற்றி கேட்டதுண்டு..அப்படி அடிபட்ட சிலரின் புகைப்படங்களை அவர்கள் முகம் மறைத்து படியின் மேலுள்ள இடத்தில் ஒட்டி வைத்தால் கொஞ்சம் பலன் கிடைக்கும் அல்லவா? பல பேருந்துகள் தற்போது கதவுடன் வருவதால் இந்த பிரச்சினை ஒரளவு சரிகட்டப்படுகிறது..
##########################################################################################################################################################################################
கடந்த வாரம் என் அக்கா, மாமா குடும்பத்துடன் சென்னை வந்திருந்தார்.. அவர்களுடன் விஜிபி போவதென முடிவாயிற்று,, இப்படி பட்ட இடங்களுக்கு செல்லும் போது நான் கண்டீப்பாக குளிர் கண்ணாடி அணிவேன்.. அதன் காரணம் முடிவில்..... அங்கே சென்றதும், இலவச விளையாட்டுகளை தேடினோம்.. முதலில் அகப்பட்டது ஆகாயக் கப்பல். அதாங்க கப்பல் மாதிறி அமைப்பில் இருக்கும் ஒன்றில் அமர வைத்து தொட்டில் போல பக்க வாட்டில் ஆட்டுவார்களே.. . நான் ஊட்டியில் இருந்து கீழே பேருந்தில வரும் போதே வயிற்றில் எதுவும் இல்லாமல் பார்த்துக்கொள்வேன்.. தெரியாமல் இதில் ஏறி,,,, அப்பப்பா .. எப்போ இறங்க முடியும் என் ஆயிற்று.. முடிந்தத்து போதுமடா சாமி என குதித்து வெளியில் ஓடி வந்தேன்.. அந்த கப்பலை இயக்கும் ஊழியர் இனி மேல் இலவச விலையாட்டு தேடி அலைவியா, அலைவியா எனக்கேட்டு என்னை அடித்தது போல இருந்தது... பின் எந்த விளையாட்டிலும் பங்கு கொள்ளாமல் வெளியில் இருந்து வேடிக்கை மட்டும் பார்த்தேன்..

வேடிக்கை என்றதும் அங்கே வரும் பெண்கள் பற்றி சொல்லியே ஆக வேண்டும்.. அட அட அட.. எங்கே இருந்து தான் உடைகளை தேர்வு செய்கிறார்களோ!!! பெரும்பாலும் ஜீன்ஸ், மூச்சு முட்டும் (அவர்களுக்கும் முட்டுகிறதோ இல்லையோ என் போல ஆட்களுக்கு நிச்சயம் முட்டும்) ஒரு பனியன், இல்லையெனில் சுரிதார்... அதுவும் பல பேர் துப்பட்டவை உபயோகிக்கவில்லை, அப்படியே உபயோகித்தாலும் அது உபயோகப்படவில்லை!!!
நிற்க,,,, நீ என்ன பெரிய கலாச்சார காவலனா என யாரும் கேட்க வேண்டாம்,... நான் அப்படி பட்ட ஆள் இல்லை. மேலும் நான் பார்த்த பெண்கள் யாரும் தனியே வரவில்லை.. ஒரு துணையுடனே!!! கண்டீப்பாக அவர்களில் யாரவது ஒருவருக்கு தெரிந்திருக்கும் நம் உடை கண்டீப்பாக பிறர் கவனம் ஈர்க்கும் என.. ஆக தெரிந்தே, ஒரு வேண்டுதலுடன் வரும் பெண்களை ரசிப்பதில் தவறேதும் இல்லை ...



கடைசியக கண்ணாடி எதற்கு எனக்கேட்டவர்களுக்கு...

* அந்த ஆகாய கப்பல் விளையாட்டில் என் முகம் சிரித்தாலும் என் கண்கள் பீதியில் கலங்கி விட்டது.. கண்ணாடி இருந்ததால் தப்பித்தேன்..

* கண்ணாடி இருந்ததால் தான் பல விசயங்களை ரசிக்க முடிந்தது (அம்மிணிக்கு தெரியாமல்!!!!)

நண்பர்களே!!! ஒரு சவால்!!!!!

நண்பர்களே.. உங்களுக்கு ஒரு சேவல், சீ ...சவால் விடுகிறேன்.. கீழ்காணும் எளிய கணக்கை எந்த வித உபகரணமும் இன்றி செய்து விடை காண வேண்டும்.. கண்டீப்பாக உங்கள் மனதிற்குள்ளேயே கணக்கை போட வேண்டும்...


* 1000 த்துடன் 40 ஐ கூட்டவும்

* அதனுடன் மீண்டும் 1000 ஐ கூட்டவும்..

* கிடைத்த விடையுடன் 30 ஐ கூட்டவும், பிறகு மீண்டும் 1000 ஐ கூட்டவும்..

* இப்போது 20 ஐ கூட்டவும்... கிடைத்த விடையுடன் 1000 ஐ கூட்டி பின் அதனுடன் 10 ஐ கூட்டவும்..

இப்போது விடை என்ன?


*
*
*
*

*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
உங்கள் விடை 5000 என்றால் அது தவறு... மீண்டும் அந்த கணக்கை கால்குலேட்டர் மூலம் உபயோகித்து விடை காணவும்.. விடையை பின்னூட்டத்தில் தெரிய படுத்தவும்...